wp7b58c42c.png
Gainaine zo as die   
(Tekst: Rieks Schuring)

Doe bist alles woar k van dreumde.   
Ook al haar k die nog noeit zain.   
Mor in de disco lest, za’k noast die op n kruk.

Zowat zugst nait alle doagen.   
Ik was laank noar die op zuik.   
Joa, doe bist veur mie t toppunt van geluk.  

Der is gainaine op de wereld zo as die.  
Astoe proatst, din liekt dat pure poezie.  
Oh, astoe lachtst joa echt, din vuilt t even  
Of k van geluk begun te zweven.   
Alles wastoe wilst, dat geef ik die.   
En mien haart derbie.    

Ik wil laifde zunder ende.    
Mor n ende wil ik nait.    
K bin der baange veur, dat dit weer over gaait.

Mor ain nacht is mie te min schat   
Doezend nachten nait genogt.   
Deur ain blik van die, bin ik geliek verkocht.

Der is gainaine op de wereld zo as die.
Astoe proatst, din liekt dat pure poezie.
Oh, astoe lachtst joa echt, din vuilt t even
Of k van geluk begun te zweven.   
Alles wastoe wilst, dat geef ik die.   
En mien haart derbie.   

Der is gainaine op de wereld zo as die.  
Astoe proatst, din liekt dat pure poezie.  
Oh, astoe lachtst joa echt, din vuilt t even  
Of k van geluk begun te zweven.   
Alles wastoe wilst, dat geef ik die.   
En mien haart derbie.

© Rieks Schuring
wp09eb60fd.png